داوا دەكرێت پەرلەمانتاران 48 ملیۆنی خانەنشینی وەرنەگرن

داوا دەكرێت پەرلەمانتاران 48 ملیۆنی خانەنشینی وەرنەگرن
سوڕایا – هەولێر
بەمەبەستی ڕیگركردن لە وەرگرتنی 48 ملیۆن دیناری خانەنشینی پەرەلەمانتاران ئەمرۆ خۆپیشاندانێك لە شاری هەولێر بەڕێوەچوو.
لەو خۆپیشاندانەدا كە هاوڵاتیان و چالاكوانانی مەدەنی و دەزگاكانی ڕاگەیاندن بەشدار بوون داواكرا كە 48 ملیۆنی پەرلەمانتاران ڕەت بكرێتەوە.
ڕێباز یوسف یەكێك لە چالاكوانە مەدەنییەكانی هەولێر بۆ دەزگاكانی ڕاگەیاندن گوتی: ئەو هەڵوێستەمان لەپای وەرگرتنی 48 ملیۆن دیناری پەرلەمانتارییە و بۆیە داوا دەكەین ئەو هەڵوێستە وەربگیرێت و پارەكە نەدرێت.
گوتیشی: دەركەوت هەموو پەرلەمانتار و فراكسیۆنەكان وەك یەك هەڵسوكەوت دەكەن و بەیەكەوە دەست بۆ قوتی خەڵكی كوردستان دەبەن.
لە بەیاننامەیەكیشدا كە بەو بۆنەیە بڵاو كراوەتەوە چەند خاڵێكیان خستۆتە ڕوو لە بەیاننامەكەدا هاتووە: ئەو بڕی 48 ملیۆن دینارە لە لایەن حكومەتی هەرێمی كوردستان رەت بكرێتەوە ، بە هۆی قەیرانی ئابوری و وەك چۆن پاشەكەوتی مووچە بێ پەرلەمانی كوردستان لە لایەن حكومەتەوە بریاری لەسەر درا 2-ئێمە لە یەكەم رۆژی سوێندن خواردنی خولی پێنجەمی پەرلەمانی كوردستان دێنەوە بەردەم پەرلەمانی كوردستان بۆ ئەوەی پەرلەمنتاران یەكەم كاریان پەسندكردنی پرۆژە یاسای خانەنشین و پلە تایبەتەكان بێت كە بە شێوەی دادپەروەرانە بێت . 3-ئەو بریارەی پەرلەمان هەڵبوەشێتەوە كە دەلێت پەرلەمنتارانی خولی چوارەم تا كۆتایی ژیانیان وەك ڤی ئای پی لە رێگای فرۆكەخانەكان دەتوانن هاتوچۆ بكەن ، ئەمە لە كاتێكدایە كۆتایی هەر خولێك ئەوە ئەو مافانەی نامینێ ، كە ئەمەش وا دەكات نادادپەروەری دروست بێت . 4-داوا لە خەڵكی كوردستان دەكەین چیتر ئەم نادادپەروەریانەی كە لە لایەن نوێنەرەكانتان لە پەرلەمانی كوردستان دەكرێت قبوڵی نەكەن و پەرلەمان بكەن بە شەڕی مافەكانتان كە خولی رابردوو پەرلەمنتاران لە جیاتی شەڕ لە پێناو ئێوە شەڕیان لە پێناو دەستكەوتی خۆیان كردووە . تۆڕی هەماهەنگی رێكخراوەكان تۆڕی رێكخراوە مەدەنیەكانی هەولێر 3/11/2018 هەولێر

عن Milad Dawood